Зияткерлік бәйге

Бұл топтық ойынға қатысушылар 8-10 адамнан команда болып тіркеліп, алдын ала жазылады. Жарыс «Кіріс­пе», «Қисын», «Медиа», «Байланыс», «Күр­делі», «Тәуекел» деген алты кезеңнен тұра­ды. Сәй­кесінше, әр кезеңнің сұрақтары да әртүрлі.

Ойынның ұйымдастырушысы Мерей Ермұханның айтуынша, бұл зияткерлік сайыстың мақсаты – жастардың ой-өрісін, білімін жетілдіру, бос уақытын тиімді өткізуге жәрдемдесу.

– «IQas» 2022 жылы «Еларнадағы» тележобадан басталған еді. 2023 жылы ұжымдар арасындағы лигаға айналды. Алайда қазір ұжымдар ойыны жобамыздың тек бір бөлшегі ғана. Білімпаздар бәсекесі Астанада осымен он төртінші рет өтіп отыр. Жарысты жүйелі түрде екі апта сайын ұйымдастырамыз. Жалпы, жобаның атауында өзіндік мән бар. Біріншіден, мұны ақылдылар айқасы деп түсінсек болады. Екіншіден, «IQas» дегендегі «IQ» ақыл-ой қабілетінің көрсеткішін білдіреді. Сонда «Ақылың саған ас болсын, азық болсын» деген мағына жатыр мұнда.

– Байқап отырмыз, бір ойында жалпы саны қырық төрт сұрақ болады екен. Қиын сауалдың қиюын келістіру де оңай емес. Соның бәрін қанша уақытта құрайсыз?

– Мен сізге қызық айтайын. Кейбір сұрақ 15 секундта дайын болады. Ойланып, толғанып, үш жыл құраған сұрақтарымыз да бар. Сауалымызды барынша тарихи-мәдени бағытта қоюға тырысамыз.

– Осыған дейінгі ойындарда тіркелген рекордтық көрсеткіш бар ма?

– Жақында 23 команда қатысқан са­йыс болды. Әр топта кемі бес адамнан болса, олардың қаншалық көп болғанын өзіңіз елестете беріңіз. Демек қоғам тарапынан қызығушылық жоғары. Одан бөлек, бір ойын­да 54 ұпайдан 51 ұпай алған топтар да болды. Бұл – біздің бәсекеге тұрақты қатысқан ойыншылардың нәтижесі.

– Білуімізше, «Quiz» ойындарының игі­лігін қатысушылар ғана көрмейді. «Тұ­тыну­шы бар жерде, табыс бар» дегенді ес­керсек, бұл интеллектуалды сайысты биз­нестің бір бөлшегі деуге де келетін секілді?

– Иә, әрбір қатысушы тарапынан 2000-3000 теңге көлемінде жарна төленеді. Осы қаржыдан толықтай өтетін орны, дипломда­ры, сыйлықтар, фото және видео түсірілім өте­леді. Бірақ ұйымдастырушылар «Quiz» ойын­дарын табыс үшін өткізбейді. Бұл жерде кө­біне шығармашылық, рухани азық басты ны­санада. Кейде студенттерді тегін қатыс­ты­рамыз. Бірінші рет келгендерден де ақы сұ­рамаймыз. Біздің жобаға қызыққан әрбір аза­мат өзінің облысында, қаласында дәл осы қазақ­ша интеллектуалды ойынды франшиза ар­қылы ұйымдастырса болады. Мәселен, қазір Аты­рау қаласы қолға алды. Енді алдағы уақыт­та Алматы, Ақтөбе, Түркістан секілді қала­ларда «IQas»-тың есігін айқара ашсақ деген ойы­мыз бар. Мақсатымыз – қазақы интеллектуал ортаны қалыптастыру, – дейді Мерей Ермұхан.