Біріншіден, елімізге банктердің қызметі туралы жаңа заң қажеттілігін жеткізді. Менің ойымша, бұл күллі отандастарымыз күткен мәселе.
Екіншіден, туристік кластерді дамыту үшін жақсы инфрақұрылым әзірлеу маңызды екені айтылды. Шын мәнінде, бұл айтылған мәселе өте орынды. Біздің азаматтар немесе сырттан келген қонақтар туристік аймаққа демалуға шыққан кезде жол машақатын көрмей, шынайы демалыстың ләззатын сезінуі керек.
Үшіншіден, болашақта техникалық мамандықтар бойынша жас мамандарды даярлау күн тәртібіне шығарылды. Бұл салада елімізде олқылық бар. Болашақта осы дүние бойынша маман дефицитін болдырмау үшін біз қазірден мықты технологтер мен инженерлерді даярлауымыз керек.
Осыған байланысты келесі жыл Жұмысшы мамандықтары жылы деп жарияланып отыр. Президенттің бұл бастамасы еңбек адамы үшін өте маңызды. Біз жұмысшы мамандарды құрметтеп қана қоймай, одан бөлек дәріптеуіміз де керек. Жалпы, Жолдауда еліміздің дамуына қатысты маңызды ойлар айтылды. Алдағы уақытта осының барлығы іске асып жатса, ел игілігі үшін жасалар жақсылықтар көп болмақ.
Геннадий ШИПОВСКИХ,
Сенат депутаты
