Бұл жер ресми түрде жағажай болып саналмайды, бірақ келесі жылы бұл жағалауда жаңа өзгерістер орын алмақ. Бүгінгі таңда су қоймаларын жақсарту бойынша ауқымды жоба дайындалып жатыр.
«Бүкіл балалық шағымыз осы су қоймаларда ойнаумен өтті деуге болады. Мұнда мен жүзуді үйрендім, отбасылық демалысты жиі өткізіп тұратынбыз. Жылдар өте келе мұнда қоқыс көбейіп, демалуға ыңғайлы болмады. Әрине, біз әр демалыстан кейін өз орнымызды жинаймыз. Бірақ барлығын бақылауда ұстау мүмкін емес. Қазір осындай үлкен ұжыммен қоқыстың көп бөлігін жинап, шығарып жатырмыз», – дейді қала тұрғыны Ангелина Сидоренко.
Өскеменде барлығы 100-ден астам эко-шара өткізілді. 492 аумақ тазаланып, 3871 шаршы метр қоқыс шығарылды. «Қазақстан» тауында 500 көшет отырғызылды, рұқсат етілмеген үйінділер жойылды. «Таза Қазақстанның» екі маусымы өткізіліп, соңғы маусымына 130-дан астам адам тартылды. Нәтижесінде, 3 тонна қоқыс шығарылды. Ең көп қоқыс жинаған жеңімпаздар ақшалай сыйлықтармен марапатталды.
Сондай-ақ, Қазақстан көшесі қайта жөнделіп, Қабанбай батыр мен Пушкин көшелері бойында жаяу жүргіншілер аймағы, алаңдар абаттандырылып жатыр. Назарбаев, Шәкәрім даңғылдары мен Қазақстан көшесі бойындағы үйлердің қасбеттері жөнделді.
Қабанбай Батыр – Қазақстан, Қазақстан – М.Горький, Сәтбаев – Байбатчин қиылыстары аудандарында гүлдер отырғызылды, жаңа суару жүйелері іске қосылды. Сонымен қатар еріктілер «Ардагерлерге тағзым» акциясы аясында жалғыз тұратын зейнеткерлерге тұрғын үйлердің аумақтарын тазалауға көмектесті. Міне, облыс орталығында «Таза Қазақстан» акциясы аясында осындай игі іс тындырылды.
ӨСКЕМЕН
