Ұрлық бір емес, бірнеше рет қайталанған. Жәбірленушілердің бірінің айтуынша, ол үйдің ауласында отырғанда белгісіз адам оған жақындап, өзін «Су арнасының» қызметкері ретінде таныстырып, есептегіштерді тексеру керек екенін айтқан. Әйел адам қызметкерге сеніп, оған пәтерінің кілтін берген. Алайда кейінірек үйге келгенде зергерлік бұйымдары бар қораптың жоғалып кеткенін байқаған. Шығын сомасы шамамен миллион теңгені құрады. Ол – Өскемендегі жалған коммунал қызметкерінен зардап шеккен жалғыз адам емес.
Келесі жолы күдікті электрик рөліне еніп, 72 жастағы облыс орталығы тұрғынының есігін қаққан. Оның есептегіштері мен сымдарын тексеріп, қызмет ақысын сұраған. Әңгіме арасында әжені алаңдата отырып, оның 140 мың теңгесін ұрлап кеткен.
Үшінші жағдай, 87 жастағы жәбірленушіге «коммуналдық қызметкер» оның есептегіштерінде ақау тапқанын, егер оған 1 000 теңге төлесе, ол бұл туралы хабарламайтынын айтқан. Сөйте тұра, пәтерден шығып бара жатып, зейнеткердің сөмкесін ұрлап кеткен. Сөмкеде 25 мың теңге болыпты.
Көп ұзамай, полицейлер күдіктіні анықтап, ұстады. Ол бұрын ұрлық жасағаны үшін бірнеше рет сотты болған 39 жастағы Өскемен қаласының тұрғыны болып шықты. Күдіктінің айтуынша, ол қаланың аулаларында егде адамдарды байқап, кейінірек оның «қызметтеріне» ақы төлеп жатқанда, олар қолма-қол ақшаны қайда сақтайтынына көз жүгірткен. Айтқандай, ер адам ұрланған зергерлік бұйымдарды сатып үлгерген. Кейін оны полицейлер тәркілеген. Қазіргі уақытта күдікті қамауға алынды. Тәртіп сақшылары бұрын жасалған ұқсас қылмыстарға қатыстылығын анықтап жатыр.
Тәртіп сақшылары қала тұрғындарынан қырағы болуды және күдікті адамдарды үйге кіргізбеуді сұрайды. Ал коммуналдық қызметкерлерден құжаттарын сұрауға құқылы. Егер кімде-кім осындай қылмыстық әрекеттерден зардап шеккен болса, дереу «102» арнасына хабарласулары қажет.
ӨСКЕМЕН
