![Колледждер жанынан кәсіпорын құрылады](/media/2024/09/12/16f08e86-1bea-4648-8d66-06ec3c6304a8.jpg)
Сурет: zhas-zhanary.kz
Осы арқылы енді колледждер өз базасында шығарған тауарлар мен қызметтерден табыс таба алады. Студенттер жиһаз жасау, тігін тігу, кондитерлік және нан-тоқаш өнімдерін пісіру секілді кәсіптерді игере отырып, оны кіріс көзіне айналдыру дағдыларын да меңгереді.
Техникалық және кәсіптік білім департаменті директоры Әсет Мұханбетов мәселеге қатысты: «Бұл кәсіпорындар студенттерге түрлі кәсіби дағдыны игеруге, оның ішінде коммуникация құруға, жобаларды басқаруға, маркетинг және қаржы бойынша білім алуға, олардың алған білімін іс жүзінде қолдануға мүмкіндік береді. Шағын кәсіпорындар есебінен түскен қаражат оқу орындарының материалдық-техникалық базасын нығайтуға жұмсалады, бұл олардың дамуына және білім беру сапасын арттыруға ықпал етеді», деп атап өтті.
Қазіргі уақытта техникалық және кәсіптік білім ұйымдары базасында 26 шағын кәсіпорын жұмыс істейді. Жыл соңына дейін тағы 14 жаңа кәсіпорын ашу жоспарланып отыр.