*Былтыр мемлекетіміз 2 млрд. 9 млн. кВт/сағат электр энергиясын экспорттады. Энергетика министрі Владимир Школьниктің сөзіне қарағанда, «жасыл» экономикаға өту тұжырымдамасына сәйкес, жаңғыртылған энергия көздерінен алынатын қуатты 2020 жылға қарай – 3, ал 2030 жылы 10 пайызға арттыру жоспарда тұр.
*Елімізде «Инватакси» қызметі жылына 10 мыңға жуық өтінім бойынша қызмет көрсетеді. Денсаулық сақтау және әлеуметтік даму вице-министрі Светлана Жақыпованың айтуынша, 2014 жылы саланың жұмысын қамтамасыз ету үшін 181 млн. теңге қаралған. Оның 90 млн. теңгесі республикалық, қалған бөлігі жергілікті бюджет есебінен бөлінген.
*Биыл Астанада 3 қосалқы электр стансасы іске қосылады. Қалалық энергетика басқармасы мәлім еткендей, бұл стансалар барлық нысандар мен кәсіпорындарды электр энергиясымен үздіксіз қамтамасыз етуге бағытталған іс-шаралар аясында салынады.
*Қарағандыда ауыр жүк көтеретін крандар құрастырылып жатыр. Өңірдегі «Оптим-кран Қазақстан» ЖШС құны 390 млн. теңгелік, жылдық қуаты 30 кран дайындауға жететін жаңа жобаны іске асыруда. Бас инженері Денис Малыкин кәсіпорынға «Бизнестің жол картасы-2020» мемлекеттік бағдарламасының қолдауымен қажетті қондырғылар сатып алынғанын жеткізді. Қазір мұнда 70 адам жұмыс істейді.
*Оңтүстік Қазақстанда индустрияландыру картасына енген жобалардың саны 223-ке жетті. Облыстық кәсіпкерлік, индустриялық-инновациялық даму және туризм басқармасының басшысы Бақытжан Әшірбеков осы жобалардың жалпы құны 1,2 трлн. теңгені құрағанын, оның 65 пайызы ауылдық жерлерде жүзеге асырылып жатқанын мәлімдеді.
*Ақмола облысында бюст, мүсін және ескерткіш шығарыла бастады. Облыс әкімдігі баспасөз қызметінің дерегінше, Аршалы ауданындағы «Қазақстан көркем комбинаты «Қазарт» ЖШС меншігіндегі өндірістік комбинаттың өнімдеріне қазірдің өзінде Астана мен еліміздің өзге өңірлерінен тапсырыстар түсуде. Бұл жобаның құны – 400 млн. теңге.
*Оралда құрастырылған алғашқы ұшақ сынақтан өтті. Батыс Қазақстан машина жасау компаниясы мен АҚШ-тың Lancair фирмасы бірлесіп шығарған Lancair IV әуе көлігінің қуаты 700 ат күшіне тең. Үш жолаушыға есептелген ол 2 мың шақырымға ұшып бара алады. Жылдамдығы сағатына 500 шақырым. Бұған мемлекет тарапынан қаржы жұмсалмаған. Бұл – турбовинтті двигателі бар, көмірсутегі материалынан жасалған Қазақстандағы бірінші ұшақ.
*Ақтауда 8 мыңнан астам жаңа жұмыс орны ашылды. Маңғыстау облыстық әкімдігінің баспасөз қызметі атап көрсеткендей, өткен жылы өңірде жұмыспен қамту және халықты әлеуметтік қолдау үшін жергілікті бюджеттен 773 млн. теңге қаралған.
Хабарлар Үкімет, облыстық әкімдіктер сайттары мен «ҚазАқпарат» деректері бойынша дайындалды.
Соңғы жаңалықтар
Жаңа тариф жергілікті халыққа тиімді
Табиғат • Бүгін, 17:48
Қарағанды облысында алты жасар бала өзенге батып кеткен
Төтенше жағдай • Бүгін, 16:22
Анасы түрмедегі ұлына телефон кіргізбек болған
Қоғам • Бүгін, 15:45
Семейде 22 жастағы жігітті азаптап өлтірген күдікті 12 жылға сотталды
Қылмыс • Бүгін, 15:20
Қар, көктайғақ және тұман: Қазақстанда ауа райы күрт құбылуы мүмкін
Ауа райы • Бүгін, 14:52
Роза Рымбаева жаңа атаққа ие болды
Мәдениет • Бүгін, 14:10
