Шағын мектептердің сапасы артады

Жоғарыдағы жауапты министрлік пен Ақтөбе облысының әкімдігі «Цифрлық технологияларды пайдаланып Ақтөбе облысындағы шағын жинақты ауыл мектептерінің әлеуетін дамыту» атты қанатқақты жобасының қоры­тындылары республикалық семи­нарда талқыланды. Жоба «Қа­зақ­­стан халқына» қорының, Білім бе­ру­ді тұрақты дамыту қоры­ның қо­л­­дауымен, Оқу-ағарту министр­лі­­гінің бастамасымен Ақтөбе облы­сы­­ның әкімдігімен бірлесіп жүзеге асы­­рылды.

Жоба қорытындысына келсек, жал­пы қанатқақты жоба Ақтөбе облысы бойынша 10,5 мыңнан аса оқушы білім алатын 134 шағын жинақты мек­тепті қамтиды. Тірек мектептердің оқы­ту­шы­лары сабақ беруде стримингтік оқы­тудың цифрлық шешімдерін қол­данды. Жоба нәтижесінде мектеп­терде онлайн оқытуға арналған жа­ңар­тылған цифрлық кабинеттер мен лабораториялық жұмыстар жүр­гі­зі­летін ғылым кабинеттері ашылды, осы­ған қоса 1000-нан көп педагог «Өрлеу» біліктілікті арттыру ұлттық орталығы әзірлеген екі білім беру бағдарламасы бойынша оқыды. Ы.Алтынсарин атындағы Ұлттық білім академия­сы ғылыми-әдістемелік жағынан сүйе­мелдеген. Жобаны жүзеге асыру ке­зінде мектеп­те­р­дің 77,4%-да жоғары жыл­дам­дық­ты интернетке қосылып, педа­го­гикалық кадрлар тапшылығы мәсе­ле­сі шешімін тауыпты.

Оқу-ағарту бірінші вице-министрі Наталья Жұмаділдаева жоба туралы: «Министрлік ауылдық және жалпы шағын жинақты мектептерді дамыту бойынша жүйелі жұмыстар жүр­гізіп келеді. 8 мың мектептің 67,4%-ы­­ ауылдық жерлерде орна­лас­қан, сон­дай-ақ 51,2%-ы шағын жи­нақты оқу ошағы саналады. Мұн­дай мектептердің басым бөлігі – Сол­түстік Қазақстан, Қостанай, Ақмола, Павлодар, Батыс Қазақстан және Ақтөбе облыстарында. Ақтөбе облы­сында жүзеге асырылған қанат­қақ­ты жобаның нәтижесінде ауыл мек­теп­терінде білім сапасы пен оқыту тиім­ділігінің айтарлықтай артқанын бай­қап отырмыз. Бұл жоба жоғарыда аталған өңірлерде 2025-2026 жылдарда іске қосылады», деді.