Фото: Коллаж Ulysmedia
Сенатор көмірді тұтынудың өсуіне байланысты қоршаған ортаның ластануының өткір проблемасына тоқталды. Ол ядролық энергия таза экологиялық балама бола алатынын атап өтті.
«Жыл сайын электр энергиясын тұтыну көлемі 3 пайызға артып келеді. Электр энергиясын өндіруде көмір ауқымды рөл атқарады, ол бүгінгі таңда өндірілетін өнімнің 70% құрайды. Бұл көмірқышқыл газының бөлінуін көбейтеді және улы заттары қоршаған ортаға теріс әсер етеді. Осы қатерге жауап ретінде көптеген елдер жасыл энергия көзі болып саналатын атом электр станциясының жұмысын арттыруда. Атом энергетикасы экологиялық жағдайды жақсартуға және ел экономикасын дамытуға көмектеседі. Президенттің референдум өткізу туралы бастамасы бізге осы маңызды мәселені шешуге атсалысуға және энергетика саласының болашағы жөнінде таңдау жасауға мүмкіндік береді», деді Ғалиасқар Сарыбаев.
