Сүйек кемігі доноры

Әдетте осы күні гема­тология­лық, онко­логиялық, трансплант­тауды қажет ететін басқа да күрделі ауруларға шал­­дық­қ­ан балалар мен ере­сек­­терге сүйек кемігі мен пери­фериялық қан­ның дің жасу­шаларын беруге ке­ліс­кен барлық донорға құрмет көр­сетіледі. Донор­­ларды тартуға, тір­келім­дерді қалып­тас­ты­руға көңіл бөлініп, осы бағытта еңбек­теніп жүрген дәрі­герлер­дің де еңбегі еске­русіз қалмайды.

Баспасөз мәслихатында Трансфузиология ғылыми-өндірістік орталығының басқарма төрағасы Сания Әбдірахманова сүйек кемігі доноры болған, Ұлт­тық тіркелімге енген аза­мат­тарға алғыс айтты.

«Сүйек кемігі доно­рының дүниежүзілік күні 2015 жылдан бері аталып өтіп келеді. Бұл күнді Трансфузиология ғылыми-өндірістік орталығының дәрігерлері де назардан тыс қалдырған емес. Жыл сайын сүйек кемігі мен перифериялық қанның дің жасушаларын беруге келіскен донорлар­ға алғыс айтып, құрмет көрсетеміз. Сондай-ақ іс-шаралар аясында елдегі қан орталықтарында еңбек ететін барша ма­ман­ның көмегімен сүйек кемігі доноры туралы ақпа­раттандыруға күш саламыз, сүйек кемігі транс­плантациясының ма­ңы­­зын, қандай аурулар кезінде трансплантация қажет екенін түсіндіреміз. Трансплантация кезін­дегі қауіпсіздік туралы ақпа­рат­тандырып, сүйек кемі­гі донорларының Ұлт­тық тіркелімінің жұ­мы­сы туралы баяндаймыз. Әрине, біз мұндай іс-шара­ларды тек Сүйек кемігі донорының дүниежүзілік күні қарсаңында ғана ұйым­дастырмаймыз. Мы­­­са­лы, биыл маусым айын­­да «100 qadam» деп ата­латын жоба аясында тұрғындарға насихат жүр­гіздік. Бұл акцияның негізгі мақсат-мұраты сүйек кемігі доноры­ның қауіпсіздігі туралы кеңінен ақпараттандыру болды. Өйткені Ұлттық тіркелім­ге көбірек адам тарту қажет. Біз күш біріктірсек қана хал үстінде жатқан науқастарға үміт сыйлап, аман алып қала аламыз. Осы бағыттағы іс-шара 100 күнге жалғасады», деді С.Әбдірахманова.

Конференцияда Ұлттық сүйек кемігі донорлары регистрінің меңгерушісі Анар Байсмақова гемо­поэтикалық дің жасу­шаларының донорлығы туралы баяндама оқыды. Оның айтуынша, жыл сайын елде шамамен 300 науқасқа лейкемия, басқа да қан аурулары диагнозы қойылады. Әрі олардың көбіне сүйек кемігін ауыс­­тыру қажет болады. Бас­пасөз мәслихатына жасушалары пациенттердің өмірін сақ­тап қалуға сеп­тігін тигізген сүйек кемігі донорларының Ұлт­тық тіркелімінде тұрған донорлар да қатысты. Олар өздерінің донор тәжірибесі тура­лы әңгімеледі.