3D-басып шығару арқылы архитектуралық нысандар салуға маманданған «Icon» компаниясы Техас шөл даласында El Cosmico деп аталатын ерекше кемпинг қонақүйін салуға кірісті. Әлемдегі алғашқы толықтай 3D-мен басып шығарылған қонақүй жобасы Марфа қаласының маңындағы 24 гектардан астам аумақта орналасады. El Cosmico қонақүйінің тұжырымдамасы «Bjarke Ingels Group» сәулет фирмасымен бірлесіп әзірленген. Қонақүй құрылысы 2026 жылы аяқталады.
Кванттық компьютердегі жаңа серпіліс
Google мен IBM компаниялары 1000 кубиттық кванттық компьютер жасап шығарды.
Бұл технология компьютердің есептеу мүмкіндігін бірнеше есеге арттыру арқылы ғылым мен технологиядағы күрделі мәселелерді шешуге жол ашады. Кванттық компьютерлер аса күрделі есептерді жылдам шешіп, жасанды интеллект, криптография сияқты салаларды дамытуға мүмкіндік береді. Мысалы, кванттық компьютердің көмегімен жаңа дәрі-дәрмек пен материал жасау үдерісі айтарлықтай жеңілдейді. Қуатты кванттық есептеу жүйелері арқылы медицина мен технологияның дамуы жаңа деңгейге көтеріледі.
Қайырлы қарсылық
Ол қарапайым әйел бола тұра, өзінің батылдығы мен қайсарлығы арқасында ұлттың тарихына өзгеріс енгізді.
1955 жылы автобустағы қарсылық АҚШ-тағы нәсілдік теңдікке бағытталған күрестің басы болды. Роза Паркс 1 желтоқсан күні Монтгомери қаласындағы автобустың біріне отырады. Ол афроамерикалық жолаушыларға арналған орындыққа жайғасқан болатын. Автобус толы болғандықтан, ақ нәсілді жолаушы келгенде, жүргізуші Розадан өз орнын босатуын талап етеді. Бірақ ол талапты орындаудан бас тартады. Розаның бұл әрекеті Монтгомери автобусындағы қарсыластың басталуына түрткі болды. Бұл қарсылықтың нәтижесінде, АҚШ Жоғарғы соты сегрегацияға қарсы шешім шығарып, автобус жүйесіндегі нәсілдік бөлінушілік заңсыз деп танылды. Сондай-ақ 1996 жылы АҚШ президенті Билл Клинтон Роза Парксты «Еркіндік медалімен» марапаттайды. Бұл – АҚШ-тағы ең жоғары азаматтық марапаттың бірі.
