Сурет: qazaq1913.com
Бұл істе асығыстық болды деп ешкім айта алмайды. Жыл бойы қоғамдық тыңдаулар, кең ауқымды талқылаулар өтіп, ондағы мамандардың ой-пікірлерін миллиондаған адам тыңдады. Қарапайым халық та ортақ мәселеден сырт қалмай, ұсыныстарын айтты. Кешегі таңдау күні учаскелерге ағылған мыңдаған жұртты көрдік. Бұл дауыс берушілердің қоғам үшін аса маңызды оқиғаға селсоқ қарамағанын көрсетеді.
Тағы бір айта кетерлігі, жұртшылықтың таңдау жасауына осы жолы да барлық жағдай жасалды. Референдум күні көрсетілген шақыру қағаздары мен смс хабарландырудан бастап азаматтардың учаскесін анықтауға арналған 179 онлайн сервис жұмыс істеді. Азаматтарды уақытша тіркеу қызметімен айналысатын 5 онлайн учаске де дауыс берушілер үшін ыңғайлы болды.
Бір сөзбен айтқанда, референдум Мемлекет басшысының бастамасымен қоғамның үлкен өзгерістерге бет бұрғанын көрсетті.
Бейбіткүл КӘРІМОВА,
Қорқыт ата атындағы Қызылорда университетінің ректоры-басқарма төрағасы
