«Екіқабат кезімде баламның ауыр салмақта екенін сезетінмін. Бірақ алты келі болады деп ойламадым. Өзім де таңқалдым, 6 келі 500 грамм деген кезде. Бір күн бұрын УЗИ-ге түскен кезде бес келі 200 деп айтқан», - деді шақалақтың анасы Альмира Жандарбекова
Шақалаққа әкесі Тәуекел деп ат қойыпты. Осыған дейін төрт қыз бір ұл тәрбиелеп отырған 31 жастағы анасы өзге балаларының да салмағы 4-5 келі аралығында болғанын айтады. Әзірге перзентханада жатқан Тәуекелдің тәбеті жақсы, ұйқысы тыныш. Денсаулығын тексерген дәрігерлер бала сап-сау дейді. Мамандардың айтуынша, алты келіден асып туылатын шақалақтар сирек кездеседі.
«Күйеуі жанында отырды. Ана жерде бүкіл дәрігерлер сасқалақтап қалды. Өйткені бала үлкен боп туылды. Біз ойлағанбыз, 7-8 келі ме деп, алты жарым екен. Баланың жағдайы жақсы, дәрігерлер қарап жатыр. Анасының көңіл күйі жақсы. Үйінде бес бауыры күтіп отыр, төрт қыз бір інісі бар екен», - деді №2 Шымкент ауруханасының бас дәрігері Бақытжан Позилов.