Фото: polisia.kz
Ал 8 қазан күні қолға түскендер ойын-сауық мекемелеріне қылмыстық қамқорлық көрсеткен жастар тобы ұсталды.
Күдіктілердің бопсалаумен қатар бұзақылыққа және қаруды заңсыз сақтауға қатысы бар екені де анықталды.
11 қазанда шымкенттік кәсіпкерлерді бопсалаумен айналысқан қылмыстық топтың мүшелері қолға түсті. Олар өздерінің қылмыстық қамқорлығы үшін үш миллион теңгеге дейін ақша алған. Келіспеген жағдайда физикалық және моральдық қысым көрсеткен. Осы фактілер бойынша ішкі істер органдарына барлығы 35 фигурант жеткізіп, 100-ден астам тінту шарасы жүргізілген. Қару-жарақ пен оқ-дәрі тәркіленген.
«Шымкент қаласында осы жылдың 10 айында қылмыстық топтардың жолын кесу барысында 30-дан астам атыс және травматикалық қару, оның ішінде бір Калашников автоматы, 15 шолақ мылтық, 11 тапанша, екі винчестер және мыңнан астам оқ-дәрі тәркіленді», деді ІІМ ұйымдасқан қылмысқа қарсы департаментінің өкілі Қуандық Алпыс.
