Тергеуге қатысты көпшіліктің көкейіндегі сауалдарға Алматы облысының прокуроры Берік Адамов жауап берді.
Прокурордың айтуынша, аталған қылмыстық іс бойынша жүргізіліп жатқан тергеу сатысында ешқандай заңбұзушылық анықталмаған.
«Біздің тарапымыздан тергеу іс шараларының заңдылығы мен толықтығы қамтамасыз етілді. Сот процесінің ашықтығы жөнінде мәселе бойынша прокуратура сотқа өтініш хат енгізуді қарастырып жатыр», деді Берік Адамов.
Айта кетейік, осы брифингте ІІМ өкілі алып-қашпа мәлімет пен ақпараттық қысым - Шерзат Болаттың өліміне қатысты істің тергелуіне кедергі келтіретінін ескертті.
