Фото: Egemen.kz
Тимур Сүлейменовтің айтуынша, Ұлттық қордан алынатын қаржы көлемі түсімнен асып кеткен.
«Мұндай жағдайда, Ұлттық қор қаражатын көбейтетін жалғыз фактор – инвестициялық кіріс. Ол биыл тоғыз айда 10,27% немесе 6,16 млрд доллар болды. Тек осының арқасында Ұлттық қордың активтері жыл басынан бері 4,5%-ке өсіп, 62,7 млрд долларға жетті», деді Ұлттық банк төрағасы.
Биыл Ұлттық қордан берілетін тікелей төлемдер көлемі 5,6 трлн теңгені құраған. Келер жыл бюджеті үшін осы бағыттағы төлемдерге 5,3 трлн теңге қарастырылып отыр.
