Фотолар: Қорғаныс министрлігінің баспасөз қызметі
Las Vegas World Championships veterans 2024 турнирінде 67 елден 1 мыңнан астам балуан белдесті. Жарыс 7 салмақ дәрежесінде және 35 жастан жоғары жас санаттары бойынша өтті.
«Өз нәтижеме ризамын. Қарсыластарым күшті болды. Қолдау көрсеткен отбасыма, достарыма, әріптестеріме көп рахмет. Мұндай жарыстарға бұған дейін де қатысқанмын, қатысуымның маңызды себебі – әскери қызметшілер мен армия спортшыларының кейінгі жас буынына үлгі көрсету», дейді полковник Арман Әбеуов.
Қорғаныс министрлігінің мәліметінше, полковник Арман Әбеуов 100 келіден астам салмақ дәрежесінде өнер көрсетті. Финалға барар жолда ол Бразилия, Португалия, АҚШ, Канада спортшыларынан басым түсті. Шешуші жекпе-жекте былтыр әлем чемпионы болған бразилиялық Рекардо Ферреироға есе жіберді.
