ШІЛДЕГЕ ДЕЙІН 72 ИНДУСТРИЯЛЫҚ ЖОБА ІСКЕ ҚОСЫЛАДЫ

Үкіметтегі селекторлық кеңесте осы мәселе тағы бір пысықталды Премьер-Миинстр Кәрім Мәсімовтің төрағалығымен өткен кешегі Үкіметтің селекторлық кеңесінде үстіміздегі жылдың І жартыжылдығында іске қосылатын индустриялық жобалардың орындалу барысы қаралды. Селекторлық кеңесті ашқан Үкімет басшысы алдымыздағы дүйсенбіде Елбасы тапсырмасы­мен әзірленген индустриялық жобалар бағдарламасын ашу рәсімі болатындығын атап көр­се­те келе осыған байланысты мә­селені тағы да бір пысық­тау­дың қажет болғандығын айтты. Аталған мәселе бойынша хабарлама жасаған Экономика­лық даму және сауда министрі­нің орынбасары Альберт Рау Қазақстанның индустриялан­ды­ру картасына сәйкес үстіміздегі жылдың 1 шілдесіне дейін елі­міз­де 342 миллиард теңгенің 72 инвестициялық жобасы іске қосылатындығын айтты. Осы арқылы 10 мыңнан астам жаңа тұрақты жұмыс орны ашылатын болады. Қазіргі күнге дейін аталған қаржының 97 пайызы игеріліпті. Альберт Рау осы жерде 72 жо­баның 68-і жаңа өндіріс орны болып табылатындығын атап көрсете кетті. 22 маусымдағы мәлімет бойынша 72 жобаның 30-дан астамы іске қосылып үл­герілген. Солардың ішінде алю­миний зауытының екінші кезегі, металпрокат зауыты секілді ірі жобалар бар. Маусым айының соңына дейін қалған жобалардың да іске қосу актісі дайын болуға тиіс. Сонымен қазіргі күні елі­мізде әр күн сайын жобаларды іске қосу жөніндегі маңызды жұмыстар қызу жүргізіліп жатыр деп айтуға болады. Мәселен, се­лекторлық кеңес өткен дәл осы күннің өзінде Оңтүстік Қазақ­стан облысындағы автоматтан­дыр­ылған жіп иіру фабрикасы, Шығыс Қазақстан облысындағы күштік және бақылау кабель­дерінің өндірісін іске қосу актісі әзір болуға тиіс. Осы соңғы екі жобаның құнының өзі тиісінше 6 миллиард 30 миллион теңгені және 753 миллион теңгені құ­райтындығын атап көрсете кетсек артық болмас. Мұнан кейін сөз алған Пре­мьер-Министрдің орынбасары – Экономикалық даму және сауда министрі Әсет Исекешов ин­дустриялық жобаларды іске қосу жөніндегі жұмыстар әр күн сайын жүріп жатқандығын, әр күн сайын әрбір жоба бойынша нақты тал­қы­лаулар ұйымдас­ты­рылатындығын жеткізді. Байланыс және ақпарат ми­нистрі Асқар Жұмағалиев ин­дус­триялық жобаларды іске қо­суға және Астанадағы жаңа уни­верситеттің ашылуына байла­ныс­ты өтетін телекөпірге әзірлік жұмыстары жайында жеке баян­дады. Министрдің айтуы бой­ын­ша, бұл жөніндегі жұмыстар оның қатысушылары­мен арада қызу жүргізілуде. Телекөпірді өткізудің сценарийі әзір болған. Мұнан кейін Асқар Жұмағалиев әзірлік жұмыстары­ның әрбір сатысына жеке тоқталды. Селекторлық кеңеске онлайн режімдегі интерактивтік бай­ла­ныс арқылы әрбір өңір басшы­лары қатысып отырды. Олардың бар­лы­ғы индустриялық жоба­лар­ды іске қосуға тап-тұйнақтай әзірліктер жүр­гізіліп жатқанды­ғын, жұмыс­тың кесте бойынша жүргізілуі қатаң бақылауда екен­дігін айтып берді. Селекторлық кеңесті Үкімет басшысы Кәрім Мәсімов қоры­тындылады. Сұңғат ӘЛІПБАЙ.