Астанада мемлекетаралық іздеуде болған Арман Әбілтаев ұсталды

АСТАНА. 17 маусым. Астанада аса ауыр қылмыс жасағаны үшін күдікті деп танылған және мемлекетаралық іздеуде болған Арман Әбілтаев қолға түсті. Бұл туралы Астана қаласы ішкі істер департаментінің баспасөз қызметі хабарлады. Күдікті ұйымдасқан қылмысқа қарсы күрес жүргізу қызметкерлері мен елордалық ішкі істер департаментінің «Арлан» арнайы бөлімшесі қызметкерлерінің қатысуымен болған жедел-іздеу шаралар кешенін өткізу барысында ұсталды. Арман Әбілтаев 1980 жылы туған. Оның Қылмыстық кодекстің бірнеше бабы бойынша айыпталып жатқан Қайрат Жамалиевтің заңсыз істеріне қатысы бар болуы мүмкін. Күдікті қылмыстық қудалаудан ізін жасыру үшін сыртқы келбетін айтарлықтай өзгерткен. Бүгінде ұсталған азамат Астана қалалық ішкі істер департаментінің уақытша ұстау абақтысына қамалды. Қазір сотқа дейінгі тергеу амалдары жүргізілуде. Еламан Қоңыр. Дерек: Астана қаласы ішкі істер департаменті. Сурет: newskaz.ru.