Ақтөбеде «Қауіпсіз аула» акциясы барысында 5 қылмыс ашылды

АҚТӨБЕ. 2 ақпан. Ақтөбелік полицейлер «Қауіпсіз аула» акциясы барысында 5 қылмыстың ізін суытпай ашты. Бұл туралы egemen.kz тілшісі хабарлады. «Мүлдем төзбеушілік» тәртібімен қылмыстар мен құқық бұзушылықтардың алдын алу, анықтау, сондай-ақ көп қабатты үйлер мен жеке үйлердің ауласында қоғамдық тәртіп пен қауіпсіздікті қамтамасыз ету  мақсатында ағымдағы жылғы 29-31 қаңтар аралығында облыс аумағында «Қауіпсіз аула» жедел алдын алу іс-шарасы жүргізідуде. Облыс бойынша қоғамдық тәртіпті қорғауға 700 ішкі істер орнандарының қызметкері және 75 ішкі әскер қызметкері, сондай-ақ 120 бірлік көлік жұмылдырылды. Аталған іс-шара кезеңінде полицияның кешенді күші көп қабатты үйлердің аулаларына жақын орналасып, жаяу жүріп патруль жасады. Іс-шараның бірінші күні жұмылдырылған полиция жасағымен 5 қылмыс «ізі суымай» ашылды. Сонымен қатар, ішкі істер департаменті жедел қызметтерімен бұрын жасалған 7 қылмыс ашылды. Сонымен қатар, «Мүлдем төзбеушілік» тәртібімен 241 әкімшілік құқық бұзушылық анықталды, оның ішінде ұсақ бұзақылықтың 33,  ішімдік ішу және қоғамдық жерде мас күйінде жүрудің 40, белгіленбеген жерде темекі шегудің 35, көлік құралын қою және тоқтау ержесін бұзудың 18 дерегі тіркелді. Сатыбалды Сәуірбай. Дерек: egemen.kz. Сурет: dorpat.kz.