Фото: Ерлан Омар
Нұрлан Байбазаровтың айтуынша, жыл басынан бері 2024 жылға арналған макро көрсеткіштер болжамын қалыптастырудың бастапқы параметрлері ел экономикасының ағымдағы дамуына сәйкес келеді.
«Биылғы жылдың 11 айының қорытындысы бойынша мұнайдың орташа бағасы барреліне 79,9 АҚШ доллары деңгейінде қалыптасты. 2024 жылға арналған бастапқы параметрлер бұрынғы деңгейде яғни, мұнай бағасы – барреліне 80 АҚШ доллары, инфляция 6-8 пайыз деңгейінде сақталды», деді вице-премьер.
Республикалық бюджеттің кірістері 14,1 трлн теңге көлемінде бағаланады, бұл бекітілген жоспардан 2 трлн теңгеге төмен екені хабарланды. Бюджеттің теңгерімділігін қамтамасыз ету және өңірлік өсу деңгейін қолдау үшін 2 трлн теңге көлемінде нысаналы трансфертті қосымша тарту ескерілген.
Осыны ескере отырып, Ұлттық қордың таза валюталық активтері 2024 жылы $58,2 млрд-ты құрайды деп болжанған.
