ПЕТРОПАВЛ. 17 маусым. «Солтүстік Қазақстан таратушы электржелілік компаниясы» АҚ-да мамандандырылған техника паркі жаңартылды. Бұл туралы «СевКазЭнерго» компаниясының баспасөз қызметі хабарлады.
Техника паркін толықтыру «Бизнестің жол картасы-2020» бағдарламасы шеңберінде мүмкін болды. 11 заманауи манипулятор краны мен 12 жүк-жолаушы автомобилі компанияға өндірістік міндеттерді шешуге айтарлықтай көмектеседі.
«Электржелілік компанияның мүддесіне қажетті жаңа техниканы сатып алу «СолтҚазЭнерго» көліктік кәсіпорны» ЖШС-нің «Бизнестің жол картасы-2020» бизнесті қолдау және дамытудың бірыңғай бағдарламасына қатысуының арқасында 244 миллион теңгенің жобасын жүзеге асырды», – делінген хабарламада.
«Лизинг Групп» АҚ лизинг алушылардың тізімін мақұлдап, үш МКМ-200 көлігі мен 12 УАЗ автомобилі әкелінді. Қалған техникалар жақын арада жеткізіледі.
Өмір Есқали.
Дерек, сурет: «СевКазЭнерго» компаниясы.
