Республикалық жыршылар байқауына Қазақстанның барлық жыршылық мектептерінен (Қызылорда, Маңғыстау, Алматы, Ұлытау, Қарағанды, Ақтөбе, Атырау, Шымкент) үміткерлер қатысады. Байқау екі кезеңнен тұрады. Байқаудың әділ қазылық алқасына Қ. Р Еңбек сіңірген қайраткері, профессор А. Алматов, Қ. Р Еңбек сіңірген қайраткері Е. Жаңаберген, Қ. Р Мәдениет қайраткері А. Көмеков, Ж. Сейтов, ҚР Мәдениет саласының үздігі Амандық Көмековтер шақырылады.
Шараның мақсаты - ҚР мәдениет саласының үздіктері, Сыр өңірінің ақын, жыршы-жыраулары Айбек Жақсанұлы мен Айдос Сәндібекұлының есімдерін және шығармаларын жас орындаушылар арасында кеңінен насихаттау.
Баба мұраны насихаттау және оның дамуындағы сабақтастықты қамтамасыз ету, орындаушылардың арасынан жаңа есімдерді анықтау, олардың кәсіби шеберліктерін жетілдіру. Халық мұрасын орындаушы дарынды жастардың шығармашылығына қолдау көрсету, қазақтың дәстүрлі жыр өнеріндегі маңдай алды шебер орындаушылардың өнерін кейінгі жас буынға үлгі ету, сондай-ақ, Сыр өңірінің ақын-жырауларының шығармаларын ұлықтап, бұқара халық арасында насихаттау.
