Облыстық тарихи-өлкетану музейінің ұйымдастыруымен 1 мамыр – Қазақстан халқының бірлігі күні қарсаңында және Қазақстан халқы Ассамблеясының 20 жылдығына орай облыстық мамандандырылған қазақ-түрік лицейінің оқушылары этномәдени қоғамдық бірлестіктердің өкілдерімен кездесті.
«Бір ел – бір тағдыр» атты танымдық кездесудің мақсаты көпұлтты Қазақстандағы халық достығының еліміздің бірлігінің кепілдігі екенін таныту, жастарды отансүйгіштікке, тілін, дінін, мәдениеті мен салт-дәстүрін білуге, сондай-ақ, басқа ұлттардың да рухани құндылықтарын құрметтеуге тәрбиелеу болып табылады.
Шара барысында «Эллада» грек этномәдени қоғамдық бірлестігінің төрағасы Иван Липириди және «Вайнах» чешен этномәдени қоғамдық бірлестігінің мүшесі Хасан Сагаев өз халықтарының тарихы, мәдениеті мен әдебиеті, әдет-ғұрпы мен салт-дәстүрі, бірлестіктердің жұмысы, ел бірлігі мен халық достығы, Елбасының Қазақстан Президенті болып сайлануы төңірегінде әсерлі әңгіме өрбітті.
Танымдық кездесуде чешен және грек халықтары туралы бейнебаян көрсетілді. Содан кейін осы ұлттарға қатысты танымдық сұрақ-жауап викториналық ойын ұйымдастырылып, дұрыс жауап бергендерге ескерткіш сыйлықтар тапсырылды. Хасан Сагаев таулықтардың су таситын ыдысының кішірейтілген түрін музейге тапсырды. Лицей оқушылары чешен және грек халқы туралы мол мағлұмат алғандарына ризашылықтарын білдірді. Кездесуге қатысушылар ескерткіш суретке түсті.
Сатыбалды СӘУІРБАЙ,
«Егемен Қазақстан».
Ақтөбе облысы.
«Бір ел – бір тағдыр» атты танымдық кездесудің мақсаты көпұлтты Қазақстандағы халық достығының еліміздің бірлігінің кепілдігі екенін таныту, жастарды отансүйгіштікке, тілін, дінін, мәдениеті мен салт-дәстүрін білуге, сондай-ақ, басқа ұлттардың да рухани құндылықтарын құрметтеуге тәрбиелеу болып табылады.
Шара барысында «Эллада» грек этномәдени қоғамдық бірлестігінің төрағасы Иван Липириди және «Вайнах» чешен этномәдени қоғамдық бірлестігінің мүшесі Хасан Сагаев өз халықтарының тарихы, мәдениеті мен әдебиеті, әдет-ғұрпы мен салт-дәстүрі, бірлестіктердің жұмысы, ел бірлігі мен халық достығы, Елбасының Қазақстан Президенті болып сайлануы төңірегінде әсерлі әңгіме өрбітті.
Танымдық кездесуде чешен және грек халықтары туралы бейнебаян көрсетілді. Содан кейін осы ұлттарға қатысты танымдық сұрақ-жауап викториналық ойын ұйымдастырылып, дұрыс жауап бергендерге ескерткіш сыйлықтар тапсырылды. Хасан Сагаев таулықтардың су таситын ыдысының кішірейтілген түрін музейге тапсырды. Лицей оқушылары чешен және грек халқы туралы мол мағлұмат алғандарына ризашылықтарын білдірді. Кездесуге қатысушылар ескерткіш суретке түсті.
Сатыбалды СӘУІРБАЙ,
«Егемен Қазақстан».
Ақтөбе облысы.
