Өңір халқы қайғылы жағдайға байланысты Әзербайжан халқына көңіл айтып, елшіліктің маңында бас қосты. Сондай-ақ «ҚР СЖҚІҚА» облыстық департаменті мен мекеме қызметкерлері, облыс жастары да көңіл білдіріп, суыт хабарды күйзеліспен қабылдағанын жеткізді. Осы тұрғыда Маңғыстау облыстық мәслихатының депутаты Нұрбек Карасаев өз пікірін білдірді.
-Бүгін Ақтау маңында болған қайғылы оқиға бүкіл елді дүр сілкіндірді. Апатқа ұшыраған ұшақта 67 адам болғаны белгілі болды, барша қаза тапқан және зардап шеккен жандардың жақын-жуықтарына шын жүректен көңіл айтамыз. Өз тарапымыздан қолдан келгенше көмек білдіруге дайынбыз. Қазір түрлі көмек түрлері ұсынылып, арнайы іс-шаралар қарастырылып жатыр, - деді Нұрбек Карасаев.
Маңғыстау облысы
