Фото: Almaty akimdigi
Қала әкімі Ерболат Досаевтың тапсырмасы шеңберінде салынған аталған пункт Алматыда тәулігіне 1200 текше метр қарды қайта өңдеуге қауқарлы екен.
Алматы әкімдігінің баспасөз қызметінің мәліметінше Қазақстанда алғаш рет мұнда қарды еріту үшін ағынды сулардың жылуын пайдаланатын инновациялық технология қолданылып отыр.
Еріген су құм мен қоқыстан сүзгілеу арқылы тазартылады, содан кейін қаланың кәріз жүйесіне жіберіледі. Қар еріту пунктіне Әуезов, Алмалы, Бостандық аудандарынан қар әкелінеді. Аталған аудандарда қар үйіндісі мәселесі өзекті, қозғалыс қиындаған орталық көшелерден ақ ұлпаны сыртқа шығару қиын.
Мамандардың пікірінше, мұндай шешім қарды тиімді түрде кәдеге жаратып қана қоймай, қала инфрақұрылымына түсетін жүктемені едәуір азайтуға мүмкіндік береді.
