Фото: Belga / Hatim Kaghat
Брюссель мен Валлонияда пойыз қатынасы, пошта байланысы және орта білім беру мекемелерінің жұмысы тоқтатылды. Ереуіл сондай-ақ әуе компаниялардың кестелеріне, коммуналдық қызметкерлерге және жергілікті түрмелерге әсер етті.
ABVV-FGTB социалистік кәсіподақтар федерациясының президенті Тьерри Бодсонның бельгиялық БАҚ-қа хабарлауынша, дүйсенбі күні таңертең Брюссель көшелеріне 30 мыңнан астам демонстрант шықты.
Шерудің бастапқы нүктесі Орталық теміржол вокзалы болды. Колоннаны Льеж, Брюссель қалалары мен Фландрияның бір бөлігінен келген 100-ге жуық өрт сөндіруші басқарды, одан кейін француз және нидерланд тілдерін білетін кәсіподақ өкілдері жүрді. Фламанд мұғалімдері шеруге қатысушылардың ең көп бөлігін құрады.
