Фото: Ақорда
Президент осы сұхбатты мұқият оқып шыққанын айтып, қаламгерге жеделхат жолдады.
«Егемен Қазақстан» газетіне берген сұхбатыңызды мұқият оқып шықтым. Өзекті ой-толғамдарыңыз арқылы ұлт руханияты үшін құнды дүниелер айтылған. Төл әдебиетіміздің даму көкжиегіне қатысты сын-пікірлеріңіз бен жас буынға қарата айтқан ақыл-кеңестеріңіз орынды деп санаймын. Шын мәнінде, жаһанды жайлаған қазіргідей құбылмалы заманда жазушылар қауымы көркем туындылары арқылы әділдік, жақсылық және адамдық құндылықтарын кеңінен дәріптегені жөн. Бұл еліміздің келешегі үшін өте маңызды. Қаламыңыз қарымды болсын! Сізге мықты денсаулық, бақ-береке және толайым табыс тілеймін», делінген жеделхатта.
Газетімізде «Төлен Әбдік, жазушы: Көшпелі елдің дамуы тасбақаның аяңына ұқсайды» деген тақырыппен жарияланған материалды мына жерден оқи аласыз.
