Облыстық полиция департаментінің баспасөз қызметі хабарлағандай, жол қозғалысына қатысушылардың қауіпсіздігін қамтамасыз ету мақсатында патрульдік полиция батальоны мен аумақтық бөлімшелердің жеке құрамы жолдардың жағдайын үнемі тексеріп, қар құрсауында қалған жүргізушілерге көмек көрсетіп жатыр.
Ведомствода хабарлағандай, 21 қаңтар күні сағат 13:00-дегі жағдай бойынша Қарағанды облысының жолдарында 1000-нан астам көлік тіркелген, оның ішінде 527 жеңіл, 500 жүк көлігі және 9 қоғамдық көлік бар.
«Кеше республикалық маңызы бар Қарағанды-Астана трассасы жабылды. Теміртау терминалы маңында Қарағанды-Астана бағытында шамамен 300 көлік тұр. Бұған дейін бұл жерде көліктер саны одан да көп болған, бірақ кейбір жүргізушілер жолдың жабық болуына байланысты кері қалаға оралды. Таңертең патрульдік полиция батальонының қызметкерлері жолдарды тексеріп қар үйінділерін анықтады», деп атап өтті Қарағанды облысы Полиция департаменті патрульдік полиция батальонының командирі Медет Нұрмұханов.
Полиция ауа райының қолайсыздығына байланысты жүргізушілерді алыс жолдарға шықпауға шақырады, бұл төтенше жағдайлардың алдын алуға көмектеседі.
