Фото: ҰҚК
Қараөткел шағын ауданының Ерейментау көшесінде орналасқан үйді сату 25 ақпанда сағат 10:00-де «E-Qazyna» платформасында жүргізіледі. Үйдің бастапқы бағасы 1 883 338 958 теңге, аукцион жарнасы 117,9 млн.
2022 жылдың наурыз айында ҚР Ұлттық қауіпсіздік комитетінің баспасөз қызметі Мәсімовтің Премьер-министр қызметін атқарып жүрген кезінде бизнес құрылымдарының бірінен елордада құны шамамен 2,5 миллиард теңге тұратын элиталық қонақ үй мен жер телімін алу фактісі бойынша тергеу басталғанын мәлімдеген еді. Хабарландыруда Кәрім Мәсімовтің осы кезде тәркіленген элиталы үйінің суреті берілген.
Естеріңізге сала кетейік, Кәрім Мәсімов мемлекетке опасыздық жасады, билікті басып алмақ болды және қызметтік өкілеттігін асыра пайдаланды деген айыппен 18 жылға бас бостандығынан айырылған.
