Жастардың саяси мәдениеті мен құқықтық, философиялық көзқарастарын қалыптастыруды мақсат еткен дәрісте сенатор Ж. Асанов: «Әлем қарқынды өзгеруде, және мемлекеттік басқару бұл өзгерістерге сәйкес келіп қана қоймай, олардан озық болуы қажет», дейді. Сарапшы заң саласына келген күннен бастап, кәсіби портфолиосын білім, білік және дағдымен ұштастырғанын, ізгілік пен адамгершілік әділдік таразысында әрқашан да жоғары тұратыны кәсіби маманның басты ұстанымы екенін атап өтті.
Жастардың өмірлік мақсаты, ұстанымы,болашақ қызмет бағдарын саналы түрде саралап, талғап, өз мүмкіндіктері мен қарым-қабілетін бағыттауы жетістікке жетудің негізі дейтін болсақ, заңгер ол қоғамда әділдік қалыптастыратын, ақиқатты айтатын, өз ортасына кәсібилігімен танылатын тұлға болып қалыптасуы тиіс.
Сенатормен дәріс болашақ заңгер, саясаткер, дипломат мамандармен қызу-пікірталасқ жалғасып, студенттер толғандырған сұрақтарына жауап алды.
«Қазіргі мемлекеттік басқару бірқатар сын-тегеуріндермен бетпе-бет келуде. Оның ішінде, мемлекеттік органдардың жұмыс тиімділігін арттыру, цифрлық технологияларды енгізу, халықпен өзара іс-қимылды жақсарту және шешім қабылдау үдерісінің ашықтығын қамтамасыз ету мәселелері ерекше орын алады. Бүгінгі таңда мемлекеттік менеджмент мамандардан басқарудың заманауи құралдары, табысты тәжірибелері мен тұрақты мемлекеттік институттарды дамытуға ықпал ететін стратегиялық тәсілдер туралы терең білімді талап етеді» деп атап өтті сенатор.
Дәрістен алған әсерімен бөліскен студентИндира Хасанова сарапшының күрделі жағдайларды қарапайым мысалдармен түсіндіріп, кез келген жетістіктің жолында білім мен ізденіс, мол тәжірибенің қажет екенін жастар терең түсінуі қажеттігін атап өтті. «Жаңа заман ағымымен пайда болған технологияларды үйреніп, оны кәсіби кәдеге жарату маңызды. Дәрісті тыңдай отырып, алып жатқан білімім мен болашақ жұмыс орныма қатысты тың ойлар пайда болды. Енді мен өмірде басты не нәрсеге назар аудару қажеттігі қағидасын күнделікті өмірімде қолданғым келеді. Сондай-ақ кез келген істе өте мұқияттылықтың қажет екенін түсіндім» дейді ол.
«Сарапшының әрбір сөзінен табандылық пен үздіксіз білім алудың маңызды екенін ұғындым. Әсіресе, сот жүйесіндегі тиімді жүргізгенреформалары мен үшін терең зерттейтін кейс болды. Сондай-ақ, қылмыстық жазаларды ізгілендіру мен түрмеде отырғандар санын азайтудағы тәжірибесін жастар оқып, білгені абзал. Бұл қоғамдағы әлеуметтік әділеттіліктің көрінісі әрі нәтижесі екені даусы» дейді университет студенті Әсел Құрманқұлова.
Сенатор өткізген дәріс студенттерге ғана емес, университеттің оқытушы- профессорлар құрамы үшін де құқықтық жүйе, басқару және реформаларға қатысты мазмұнға, пайдалыақпараттарға толы болды.
