Проскурякованың айтуынша, Орталық Азия елдері арасындағы сауда көлемі небәрі 3% -ды құрайды.
«Қазір сауда ағындары өзгеріп жатқанда, бұл өңірдегі байланыстарды нығайтуға мүмкіндік береді. Алайда инфрақұрылымды жаңғырту ғана жеткіліксіз. Сондай-ақ шекарадан өтуді жеделдету, электрондық жүйелерді енгізу, тарифтік кедергілерді төмендету маңызды» деді ол.
Татьяна Проскурякова айтып өткендей, экономикалық өсуді тежейтін негізгі факторлардың бірі инфрақұрылым. Тек Қазақстан емес Орталық Азияда бұл сегмент ескіре бастады.
Бюджет тапшылығы, инвестициялардың төмендеуі, жоғары базалық мөлшерлеме және шикізат ресурстарына тәуелділік түйінді проблемалар болып қалып отыр.
Проскурякова Орталық Азия еңбек өнімділігі және ресурстарды, оның ішінде суды ұтымды пайдалану бойынша әлемдегі соңғы орындардың бірін иеленетінін атап өтті.
«Қазір өңір негізінен шикізат пен жұмыс күшін экспорттайды. Қазақстан Орталық Азияның басқа елдері сияқты өнімнің қосымша құнын жасау үшін қайта өңдеу өнеркәсібі мен қызмет көрсету секторына инвестиция салуы қажет» дейді сарапшы.
