11 жасар Аяла клубтағы жаттығулардың алғашқы күндерінен бастап ерекше қабілеттерін байқатты: тактикалық схемаларды жылдам меңгеріп, дриблингке сенімді кірісіп, дәл пасстар беруімен ерекшеленді. Енді оның таланты кәсіби клуб тарапынан мойындалып, ол «Астана» футбол клубының балалар мен жасөспірімдер командасына қосылып, мансап жолында маңызды қадам жасады.
Бұл трансфер Аяланың ғана емес, еліміздегі әйелдер футболының дамуын көрсететін маңызды оқиға. 2025 жылдың 1 қаңтарынан бастап Қазақстан Премьер-Лигасының барлық клубтары әйелдер командаларын құрып, ұлттық чемпионат «QFL Әйелдер лигасында» өнер көрсетуге міндеттелген.
«Бұл – нағыз жаңа дәуірдің басталуы», деді Назым Жанғазинова. Ол сондай-ақ әйелдер футболын жүйелі түрде дамыту қажеттігін, оны балалар мен жасөспірімдер командаларынан бастау керектігін атап өтті.
Сегіз жыл ішінде ARDA Football футбол мектебі жас спортшыларды даярлайтын қуатты жүйеге айналды, оның тәрбиеленушілерінің саны 5000-нан астам баланы құрайды. Әр жыл сайын футболға қызығатын қыздар саны артып, олар айтарлықтай жетістіктерге жетіп жатыр.
