Фото: Khalil Ashawi / Reuters
40 жылға созылған Күрдістанның «автономия үшін күресі» енді аяқталады. Бұл туралы Түркия түрмесінде отырған КЖП төрағасы Абдулла Ожалан хабарлап, жақтастарын қаруды тастауға үндеді. КЖП есесіне Абдулла Ожаланды бостандыққа шығаруды талап етіп отыр. Олар арадағы дау төрағаның басшылығымен ғана тоқтайтынын хабарлады.
ВВС агенттігі Сирия басшылығына Түркияны жақтайтын жаңа билік келгелі «өздеріне қарсы жойқын соққы жасалуы мүмкін» деп қауіптенген сириялық күрдтер Абдулла Оджаланның бейбіт пен бітімге шақырған үндеуін қуана-қуана қарсы алғанын жария етті.
1999 жылдан Түркия түрмесіне тоғытылған Абдулла Ожалан өз кезегінде КЖП-ны тарату, қаруды тастау шешіміне қатысты тарихи жауапкершілікті мойнына алатынан атап өткен.
«Мен КЖП-ны съез шақырып, кез келген заманауи саяси партия сияқты Түркия мемлекетімен және қоғамымен интеграциялану туралы шешім қабылдауға шақырамын! Барлық қарулы топтар қаруларын тастауға тиіс. Ал, КЖП өзін-өзі таратуы тиіс», делінген Абдулла Ожаланның үндеуінде.
Ал Түркия үкіметі арадағы қақтығыстың нүктесін қоюға 2012 жылдан бері әрекет етіп, бейбітшілік келісімін ұсынып келеді.
