Оқиға • 12 Наурыз, 2025

«Жалған қол қойған»: Перизат Қайраттың қоғамдық қоры таратылды

183 рет

көрсетілді

1 мин

оқу үшін

Астана қаласының мамандандырылған ауданаралық экономикалық соты «Biz birgemiz Qazaqstan 2030» қоғамдық бірлестігін мәжбүрлі түрде тарату туралы шешім шығарды. Сотқа бұл жөнінде Әділет департаменті шағымданған, деп хабарлайды Egemen.kz.

Қырмызы ЖҰМАҒАЛИҚЫЗЫ

«Жалған қол қойған»: Перизат Қайраттың қоғамдық қоры таратылды

Фото: Ашық дереккөз

Ресми мәліметтерге сәйкес, аталған заңды тұлға 2021 жылғы 11 қазанда мемлекеттік тіркеуден өткен. Бірлестіктің 10 құрылтайшысы болған. Алайда қылмыстық істі тергеу барысында қолжазба сараптамасы жүргізіліп, 10 құрылтайшының 9-ының атынан құжаттарға жалған қол қойылғаны анықталған. Сараптама нәтижесінде барлық қолды Перизат Қайрат қойғаны белгілі болған.

Осыған байланысты сот құқық бұзушылықтарды ескере отырып, ұйымды мәжбүрлі түрде тарату туралы шешім қабылдады.