Фото: polisia.kz
Қазіргі уақытта ІІМ кинологиялық бөліністерінің қызметкерлері «Заң және Тәртіп» қағидаты аясында елдің барлық аумағында есірткі құқық бұзушылықтарын анықтау бойынша жедел-профилактикалық және рейдтік іс-шаралар өткізіп жатыр.
СҚО-да рейд кезінде жолда тоқтатылған автокөліктен Виола лақап атты қызметтік-іздестіру иті 30 грамнан асатын мефедрон есірткі затын тапқан. Ал ұсталған адам есірткі жасырушысы болып шыққан.
Осыған ұқсас жағдай республикалық маңызы бар Алматы - Астана автожолында болған. Онда полиция қызметкерлері тексеру үшін көлікті тоқтатып, тексеру барысында Тея қызметтік итінің көмегімен жалпы салмағы 11 килограмнан асатын гашиш есірткісі тәркіленген.
