Дерекке қарағанда, 1985 жылы туған ер адамның жоғалғаны туралы хабарлама Ақтөбе облысының 112 кезекші пультіне 30 наурыз күні түскен. Ол Әйтеке би ауданының Жаңадәуір қыстағынан мал іздеуге шығып кетіп, қайтып оралмаған.
- Ақтөбелік құтқарушылар Қостанай облысының шекара маңындағы ауданында әріптестерінен көмек сұрады. Қостанай құтқарушылары бірлесіп Қамысты ауданы Оркаш ауылының маңынан жоғалған адамды тапты, - деп жазды ведомстводан.
Құтқарушылардың жедел әрекеттерінің арқасында ер адам аман-есен табылды. Оны Ақтөбе облысына жеткізді.
