Ол кермедегі жаттығу бағдарламасының финалында қарсыластарына дес бермеді.
Карими төрешілердің шешімімен 14.666 ұпай жинады. Осылайша, Милад бұл Әлем кубогының кезеңінде екінші жүлдесіне қол жеткізді. Ол бұған дейін еркін жаттығуларда үшінші орын иеленген еді.
Финалда екінші орынға Израиль спортшысы Александр Мякинин ие болса(14.433), ал қытайлық Чени Се (14.300) үшінші нәтиже көрсетті.
Айта кетейік, Осиекте өткен жарыста Қазақстан құрамасы үш жүлде жеңіп алды. Каримиден бөлек Нариман Құрбанов та жүлдегер атанып, ат снарядында өткен жаттығуларда қола медаль жеңіп алды.
