Футбол алаңын жалға алған тарап пен мектеп басшылығы арасында ресми келісім-шарт жасалып, төлемдер құжатта көрсетілген арнайы есеп-шотқа аударылуға тиіс болатын. Алайда жалдау шарттары заңды жолмен емес, ауызша келісілген және төлемдер қолма-қол ақша түрінде берілген немесе жеке есепшотқа аударылған.
Мемлекеттік-коммуналдық меншік мүлкіне алдау жолымен зиян келтірген Мақсат Әуелбаев екі жыл, Қайрат Ділманов екі жарым жылға бас бостандықтарын шектеу жазасына кесілді. Олар жаза өтелген соң да үш жылға дейін мемлекеттік қызметке алынбайды.
Сот айыпталушылардың бұрын қылмыстық жауапкершілікке тартылмағандарын, кәмелетке толмаған балаларының бар екендігін және келтірген шығынды толық төлегендерін есепке алды.
