АҚШ-та әйгілі әнші Линн Андерсон қайтыс болды (видео)

АСТАНА. 1 тамыз. АҚШ-та аты аңызға айналған кантри-әншсі, «Грэмми» сыйлығының лауреаты Линн Андерсон 68 жасында қайтыс болды. Бұл туралы ras.kz хабарлады. Бұған дейін, Линн Андерсон Тенесси штатындағы Вандербильт университетінің медициналық орталығында пневмония диагнозы бойынша ем қабылдаған. Алайда, дәрігерлер әншінің ғұмыры жүрек талмасынан үзілді дегенді айтуда. Айта кетейік атақты әнші «Грэмми» сыйлығын (I Never Promised You A) Rose Garden деп аталатын композициясы үшін алған болатын. Линн Рене Андерсон 1947 жылы Солтүстік Дакота штатындағы Гранд-Фокс қаласында туған. Ол әншілік мансабын Дженни Леннимен бірге For Better or for Worse әнін орындаумен бастаған. Сондай-ақ, Андерсен 1970 жылдары елдегі ең танымал әншілердің бірі болды. Оның хиттары әртүрлі чарттарда ылғи бірінші орын алып жүрді. Талғат Райымбек. Дерек, сурет: ras.kz.