Фото: kursiv.media
Ұлттық статистика бюросының хабарлауынша, ел бойынша халық санының ең жоғары өсімі Астана қаласында байқалған.
«Жыл басынан бері елорда тұрғындарының қатары 29,7 мың адамға көбейген, оның 78,3 пайызы – көші-қон есебінен. Бұл Астананың еңбек нарығы мен инфрақұрылымы мигранттар үшін тартымды екенін көрсетеді», делінген хабарламада.
Сондай-ақ көші-қон бойынша оң сальдо Алматы және Маңғыстау облыстарында, сондай-ақ республикалық маңызы бар Алматы, Шымкент және Астана қалаларында тіркелген.
