Ақтөбеде құран оқудан жарыс өткізілді

АҚТӨБЕ. 15 ақпан. Ақтөбедегі «Нұр Ғасыр» мешітінің ұйымдастыруымен ерлерге арналған сауат ашу курсында оқып жүрген шәкірттер арасында Құран оқудан жарыс ұйымдастырылды. Бұл туралы «Нұр Ғасыр» мешітінің баспасөз қызметі хабарлады. «Білімді мыңды жығады, білекті бірді жығады» деген тақырыппен өткізілген сайысқа 14 шәкірт қатысты. Қатысушылар Құранды мәнерлеп жатқа оқу ғана емес, сонымен қатар, аяттар мен сүрелер және Пайғамбарымыздың (с.ғ.с) өмірбаяны бойынша сауалдарға жауап берді. Қазылар алқасының шешімімен І орынды ең жас сайыскер Асылгерей Жетпісов, ал екінші және үшінші орындарды тиісінше Нұрлыбек Қамбаров пен Ержан Садықов иеленді. Оларға бағалы сыйлықтар тапсырылды. Қалған сайыскерлер мақтау қағаздары мен естелік сыйлықтарға ие болды. Сатыбалды Сәуірбай. Дерек: «Нұр Ғасыр» мешітінің баспасөз қызметі. Сурет: aktobegazeti.kz.