Президент • 21 Шілде, 2025

Президент тапсырмасы: «Бағанашыл» балалар үйі Қонаевқа көшірілмейді

1 мин

оқу үшін

Жағдаймен танысқан Мемлекет басшысы Алматы қаласының әкімі Дархан Сатыбалдыға тапсырма берді, деп жазады Egemen.kz Ақорданың баспасөз қызметіне сілтеме жасап.

Дана МЫРЗАҚАДІР

Президент тапсырмасы: «Бағанашыл» балалар үйі Қонаевқа көшірілмейді

Фото: Ақорда

«Бағанашыл» балалар үйінің тәрбиеленушілерін Алматыдан Қонаев қаласына көшіруге байланысты жағдаймен танысқан Қасым-Жомарт Тоқаев Алматы қаласының әкімі Дархан Сатыбалдыға оқушылардың оңтүстік астанада білім алуын жалғастыру үшін балалар үйіне жөндеу жұмыстарын жүргізуді және аталған нысанды қаланың балансына алуды тапсырды.

Мемлекет басшысының тапсырмасына сәйкес, балалар үйі көшірілмейді.

Аталған жағдайға байланысты Президент Әкімшілігі қызметтік тексеріс жүргізеді.

Ата-анасының қамқорлығынсыз қалған балалардың заң шеңберіндегі барлық құқығы толық сақталады.