Әкімшілік полиция басқармасының басшысы Асхат Құлбаевтың мәліметінше, жыл басынан бері мегаполисте қоғамдық көлік қатысқан 460-тан астам жол апаты тіркелген, соның салдарынан 600-ден астам адам жарақат алған.
Рейдтік іс-шаралар барысында полицейлер автобус жүргізушілері тарапынан 2 мыңнан астам жол қозғалысы ережесін бұзу деректерін анықтаған.
Асхат Құлбаев автопарк басшыларына жүргізушілерге күн сайын нұсқаулық өткізу және автобустардың техникалық жағдайын қатаң бақылауда ұстау қажеттігін, әсіресе қыс маусымы алдында ерекше назар аудару керектігін айтты.
«Жүргізушінің тәртібі тек қауіпсіздікке ғана емес, сонымен қатар қала тұрғындарының қоғамдық көлікке деген сеніміне де әсер етеді. Сондықтан автопарк басшылары тарапынан жауапкершілік пен тәртіпті күшейту қажет», деді ол.
