Фото: ашық дереккөз
Несие қолжетімділігін арттыру үшін банктерге кепілдік беру механизмі енгізілген. Нәтижесінде «Даму» қоры биыл 1300 несиеге кепілдік беріп, мүлкі жеткіліксіз шағын және орта шаруалардың қаржы алу мәселесін шешуге жол ашты.
«Несие қолжетімді болуы үшін банктерге құзырлы мекеме тарапынан кепілдік беру тәсілі енгізілді. Биыл «Даму» қоры 1300 несиеге кепілдік берді. Сөйтіп несие алуға мүлкі жеткіліксіз көптеген шаруаның, әсіресе, шағын және орта деңгейдегі фермерлердің мәселесі оң шешімін тапты», деді Президент.
Бүгінде шаруалар сатып алып жатқан техниканың 90 пайызы – Қазақстанда құрастырылған өнім. Елдегі 10 зауытта әлемге танымал брендтерді қоса алғанда, 19 түрлі техника шығарылады. Президент жуырдағы АҚШ сапарында John Deere компаниясымен құны 2,5 миллиард доллар болатын стратегиялық серіктестік туралы келісімге қол қойғанын атап өтті. Келісім аясында алдағы бес жылда Қазақстанда 3 мыңға жуық заманауи техника шығарылмақ.
