Ғалам ғажаптары • 25 Қараша, 2025

Ортақ дәстүр

40 рет

көрсетілді

1 мин

оқу үшін

Ата-баба аруағына тағзым етіп, құран бағыштайтын елміз. Шелпек пісіріп, иіс шығару қазақ дүниетанымының ежелден жалғасқан дәстүрі. Алайда дәл осы түсінік қиырдағы мексикалықтарда да бар болып шықты.

Абзал МАҚАШ

Сурет ЖИ көмегімен жасалды

Олар да қайтыс болған туыстарына жоқтау өлең айтып, арнайылап күлше нан пісіреді. Тек оған бал жағып, тәтті қылады. Африканың тағы тайпаларында да осы дәстүр кездеседі. Ғалымдар мұны күллі адамзатқа ортақ мифтік санамен байланыстырады. Яғни Адам ата мен Хауа ана бидай жеп, пәниге қуылғаннан кейін, дәл осы дақыл – адам архетипінде екі дүниенің дәнекері ретінде сақталған. «Аңыз түбі – ақиқат», бұл пікірді де есепке алмауға болмас.