Фото: istockphoto.com
Облыстық полиция департаментінің хабарлауынша, 23 жастағы Audi жүргізушісі көлікті басқара алмай, Toyota көлігімен соқтығысқан. Екі жүргізуші мен үш жолаушы алған жарақаттарынан оқиға орнында көз жұмды. Тағы бір жолаушы ауруханада қайтыс болды.
«Одан бөлек бес жолаушы түрлі дене жарақаттарын алып, дәрігерлердің бақылауында жатыр. Қазіргі уақытта болған оқиғаның барлық мән-жайын анықтау мақсатында жан-жақты тергеу жүргізіліп жатыр. Тергеу барысы Алматы облысы полиция департаменті басшылығының ерекше бақылауында», делінген хабарламада.
