Мексика рестлері рингтегі ұрыстан кейін қайтыс болды

АСТАНА. 22 наурыз. Кеше Мексика рестлері Перро Агуайо Рамирес шайқаста алған жарақаты салдарынан қайтыс болды. Бұл туралы «Газета.Ru» хабарлады. Инцидент жұма күні, 21-не қараған түні Тихуан қаласында орын алды. Осы уақытта жүріп жатқан ережесіз жекпе-жек кезінде Рей Мистер-кішінің аяқпен мойнынан ұрған соққысынан кейін рингтің арқанына құлаған Рамирес, нақтырағы  Хийо дель Перро Агуайо есінен танып қалды. Басқа да рестлерлердің қатысуымен өткен кештегі бұл ұрыс рефери тоқтатқанға дейін тағы екі минутқа ғана созылды. Рамирес бірден ауруханаға жеткізілді. Бірақ сол бойы есін жинай алмаған Рамирес жергілікті уақыт бойынша 1:30 сағатта қайтыс болды. Прокуратура дәрігерлік тексеруден кейін рестлерлің өліміне оның мойнынан жарақат алып, мойын омыртқасының сынып кетуі  себеп болған деген тұжырым жасады. Осыған байланысты тергеу амалдары қолға алынды. Жасы биыл 35-ке толған Агуайоның 20 жыл бойы рестлингпен шұғылданған екен. Ол ұлттық чемпионат деңгейінде бірнеше рет жеңімпаз атанған. Дамир Қожамқұл.