АСТАНА. 22 ақпан. Бүкіләлемдік бокс сериясында (WSB) ел намысын қорғайтын «Астана арландары» биылғы маусымдағы алтыншы жеңісіне қол жеткізді. Алматы қаласында өткен тартыста «арландар» Argentina Condors командасынан 5:0 есебімен басым түсті. Бұл туралы egemen.kz тілшісі хабарлады.
Сайыс 52 кило салмақ дәрежесіндегі боксшылардың жекпе-жегімен басталды. «Астана арландары» атынан шаршы алаңға көтерілген Азамат Исақұловқа Рикардо Ибарра есімді аргентиналық боксшы қарсылас атанды. Барлық кезеңде айқын басымдық танытқан «арланымыз» 3:0 (50:44, 50:44, 50:44) есебімен жеңіске жетті.
Келесі 60 кило салмақ дәрежесіндегі айқас Роман Щегринов пен Брайан Нуньес арасында өтті. Бұл жолы Брайан алдыңғы әріптесінің есесін қайтармақ болып алға ұмтылғанымен, Романның қорғанысын бұза алмады. Сауатты бокстасып, әр соққысын ақылмен жұмсай білген боксшымыз 3:0 (50:45, 50:45, 49:46) есебімен айқын басымдық танытты.
Бұл жекпе-жекте отандық жанкүйерлердің асыға күткен айқасы 69 кило салмақ дәрежесіндегі тартыс еді. Себебі, дәл осы салмақта бокстан ұлттық құраманың капитаны Данияр Елеусінов шаршы алаңға шықты. Бес раунд бойы шеберлігін паш еткен Данияр қарсыласы Луис Веронды 3:0 (50:45, 49:46, 50:45) есебімен жеңді.
Қалған екі жекпе-жекте де «арландарымыз» жоғары деңгейде жұдырықтасты. Нақты айтар болсақ, қазақстандық команда сапындағы хорватиялық легионер Хрвое Сеп (81 кило) Аргентинадан келген боксшы Хосуе Оливераны 3:0 (49:46, 50:45, 49:46) есебімен жеңсе, оның отандасы Филипп Хргович (+91 кило) қарсыласы Карлос Ортеганы 2-раундта техникалық нокаутпен тізе бүктірді.
Осы жеңісінен кейін «Астана арландары» 18 ұпаймен «В» тобында көш бастап тұр. Топтағы басты қарсыласымыз «АҚШ нокаутшыларының» қоржынында 15 ұпай бар. Марат Жакиевтен тәлім алатын «арландар» келесі жекпе-жегін 28 ақпан күні Алматыда Италия боксшыларына қарсы өткізеді.
Еламан Қоңыр.
Дерек: egemen.kz.
Сурет: worldseriesboxing.com.
АСТАНА. 22 ақпан. Бүкіләлемдік бокс сериясында (WSB) ел намысын қорғайтын «Астана арландары» биылғы маусымдағы алтыншы жеңісіне қол жеткізді. Алматы қаласында өткен тартыста «арландар» Argentina Condors командасынан 5:0 есебімен басым түсті. Бұл туралы egemen.kz тілшісі хабарлады.
Сайыс 52 кило салмақ дәрежесіндегі боксшылардың жекпе-жегімен басталды. «Астана арландары» атынан шаршы алаңға көтерілген Азамат Исақұловқа Рикардо Ибарра есімді аргентиналық боксшы қарсылас атанды. Барлық кезеңде айқын басымдық танытқан «арланымыз» 3:0 (50:44, 50:44, 50:44) есебімен жеңіске жетті.
Келесі 60 кило салмақ дәрежесіндегі айқас Роман Щегринов пен Брайан Нуньес арасында өтті. Бұл жолы Брайан алдыңғы әріптесінің есесін қайтармақ болып алға ұмтылғанымен, Романның қорғанысын бұза алмады. Сауатты бокстасып, әр соққысын ақылмен жұмсай білген боксшымыз 3:0 (50:45, 50:45, 49:46) есебімен айқын басымдық танытты.
Бұл жекпе-жекте отандық жанкүйерлердің асыға күткен айқасы 69 кило салмақ дәрежесіндегі тартыс еді. Себебі, дәл осы салмақта бокстан ұлттық құраманың капитаны Данияр Елеусінов шаршы алаңға шықты. Бес раунд бойы шеберлігін паш еткен Данияр қарсыласы Луис Веронды 3:0 (50:45, 49:46, 50:45) есебімен жеңді.
Қалған екі жекпе-жекте де «арландарымыз» жоғары деңгейде жұдырықтасты. Нақты айтар болсақ, қазақстандық команда сапындағы хорватиялық легионер Хрвое Сеп (81 кило) Аргентинадан келген боксшы Хосуе Оливераны 3:0 (49:46, 50:45, 49:46) есебімен жеңсе, оның отандасы Филипп Хргович (+91 кило) қарсыласы Карлос Ортеганы 2-раундта техникалық нокаутпен тізе бүктірді.
Осы жеңісінен кейін «Астана арландары» 18 ұпаймен «В» тобында көш бастап тұр. Топтағы басты қарсыласымыз «АҚШ нокаутшыларының» қоржынында 15 ұпай бар. Марат Жакиевтен тәлім алатын «арландар» келесі жекпе-жегін 28 ақпан күні Алматыда Италия боксшыларына қарсы өткізеді.
Еламан Қоңыр.
Дерек: egemen.kz.
Сурет: worldseriesboxing.com.
