Қостанай облысындағы кен алыбына қолдау көрсетілді

ҚОСТАНАЙ. 23 ақпан. «Соколов-Сарыбай кен өндіру бірлестігі» акционерлік қоғамы Қытайға өз өнімін жеңілдетілген тарифпен артатын болады. Бұл жөнінде alau.kz хабарлады. Дағдарысқа байланысты 2015 жылға мұндай шаралар отандық кәсіпорындар үшін қарастырылған. Қостанай облысындағы экспортқа өнім шығаратын екі кәсіпорын мемлекет тарапынан осындай жеңілдікке ие болды. Оның бірі кен алыбы Соколов-Сарыбай кен өндіру бірелестігі де, екіншісі «АгромашХолдинг» зауыты. Теміржол желісі қызметін пайдаланғаны үшін уақытша бекітілген төменгі бағамен «ССКӨБ» Қытайға 1 920 мың тонна шик кен артатын болады. Мұндай жеңілдікке Қытай темір жолы әкімшілігімен келіссөзге қол жеткізіледі деген жоспар бар. Жеңілдікті «АгромашХолдинг» зауыты да алады. Ол «КазАгроФинанс» акционерлік қоғамы арқылы мемлекеттік бағдарламаға қатысушыларға 260 комбайн сататын болады. Қостанай облыстық кәсіпкерлер палатасы сыртқы экономикалық ынтымақтастық бөлімінің бастығы Роберт Юсупов: «Кәсіпорынарды қолдау үшін Қостанай облыстық Кәсіпкерлер палатасы жіне жергіілкті атқарушы орган ұсынған барлығы оншақты шара жүзеге асырылады. Олардың ішінде ірі инновациялық-инвестициялық мемлекеттік бағдарлама аясында өнім шығаратын бизнес нысандары үшін электр энергеися мен табиғи газдың бағасын қарау бар. Сонымен қатар бюджет инвестициялық жобаларды жүзеге асырғанда жергілікті тауарлар мен қызметті пайдалану ескерілген» деді. Нәзира Жәрімбетова. Дерек: alau.kz. Сурет: egemen.kz.