10 000 000

Кеше «Жолаушылар тасымалы» АҚ өкілдері Астана вокзалында электронды тәсілмен билет сатып алған 10 000 000-шы жолаушыны күтіп алды. Ол – «Защита-Астана» жүрдек пойызы­мен Өскемен қаласынан келген Күләш Құнанбаева болатын. 10 000 000-шы жолау­шыға бағалы сыйлық – Iphone 6 ұялы телефоны табыс етілді. Мұндай салтанатты қарсы алуды күтпеген К.Құнанбаева: «Бұл мен үшін тосын сый болды! Расында электронды билет өте ыңғайлы, қолжетімді және ең бастысы, уақытымызды үнемдейді», – деді шын жүректен. Қазіргі уақытта билеттер интернет ар­қылы ғана емес сонымен қатар, респуб­лика бойынша 17 мыңнан астам терминалдар арқылы да сатылуда. Қазақстанда электронды билеттерді сату жүйесі жыл сайын жетілдірілу үстінде. Жылдың аяғына дейін билеттер жедел қосымшалар (мобильді) және еліміздегі барлық пошта бөлімшелері арқылы сатылатын болады. Нұрбай ЕЛМҰРАТОВ, «Егемен Қазақстан».